Serchhip a khawpui chhung kawng chhe lutuk siamthat anih theih nana No Vehicle Day hman hi Serchhip-a lirthei nei inzawmkhawm pawl, Serchhip Town Vehicle Owner Association(STVOA) buatsaiha hman a ni a, zingkar atangin Serchhip Bazar leh Veng hrang hrangah lirthei veivak hmuh tur a awm meuh lova, sorkar office lama thawkte leh School naupang te pawh ke deuh vekin office an kal hlawm, hetianga Motor tlan a awmloh avang hian sorkar Pisa tam tak chu a hun taka dawr theih an nilo bawk a ni. Serchhip Town Vehicle Owners Association chuan an thiltih ah hian politics inrawlh a awmlo tih sawiin, a ti hlawhtlingtu Serchhip mipuite chungah an lawm hle tih an sawi bawk.
Hetianga No Vehicle Day hman anih avang hian sorkar chuan mipui ten harsatna an tawh loh nan ruahmanna siam nghalin khawi hmunah mah lirthei tlan turte chu dang lo turin duty te chu hriattir an ni a, District Magistrate Pu P. Lalchhuanga bakah Executive Magistrate, Pu Robert C. Lalhmangaiha leh Pu Malsawmtluanga te pawhin hmun hrang hrang fangin mipui tana harsatna a thlen loh nan leh lirthei vakvel te dan an nih lohna turin hma an la bawk a ni. Hetianga No Vehicle Day hman anih rual hian Serchhip khawpui chhung kawngpui siamthat hna chu thawh tan nghal a ni bawk a ni.
0 comments:
Post a Comment