Mizoram District 6-a Village Council inthlanpui neih leh Aizawl Municipal Council hnuaia Local Council inthlanna chu neih zawh a ni ta a, INC chuan VC 285-ah hnehna an chang a ni.
Village Councils Inthlanpui vawi 18-na leh Local Councils Inthlanpui vawi 1-na chu 23rd
February, 2012 zing dar 7:00 AM atanga tlai dar 4:00 PM hian neih a ni
dawn ta a.
Ni hnih chhung awh tur IWMP Serchhip-I leh II Project hnuaia WDT te tana training chu Vawiin (Feb. 21, 2012) hian Serchhip-a DRDA Conference Hall-ah neih tan a ni.
Vawiin (Feb. 21, 2012) chawhma dar 11 khan Serchhip DC Office Chamber ah District Bawrhsap Pu P. Lalchhuanga hovin District chhunga NLUP Line Department hrang hrang hotute NLUP kaltlanga an hmalakna leh hmalak zel dan tur ngaihtuahin an thukhawm.
Zonuna Kawlni (LENKAWL)
Tuesday, February 21, 2012
0
comments
Serchhip Bazar-a Vohbik Medical Store chu misual tu tih hriatloh ten rawkin ruihna atana hman chi damdawi an la a, he dawr rawktu nia hriat chu Police ten an man tawh.
YMA Sub-Hqrs. Serchhip in tun thla ni 1-a Saiha-a kangmei tuar te tana vehbur a khawn chu Branch hrang hrang ten thehlut tawhin Rs. 1,33,770/- hmuh a ni.
Mizoram in Remna leh Muanna a neih kum 25-na lawmna atan Serchhip-a awm 14th Assam Rifles te chuan tukin zing (Feb. 20, 2012) khan Half Marathon Race an buatsaih a, chhun lamah a mamawhte hman atan a thlawnin thisen an pe bawk.
Serchhip District Football Association buatsaih Inter-Village Football Tournament chu Vawiin Feb. 17, 2012 khan Field No-II ah khelh zawh a ni ta a, New Serchhip in Bungtlang chu 3-1 a hnehin an champion.
Zonuna Kawlni (LENKAWL)
Thursday, February 16, 2012
0
comments
Serchhip ICDS Project-a CDPO, Pi B. Lalhmangaihi hnen atanga thu kan dawn danin Bengdar, Wheelchair, Mit del tana tiang leh Zakdawmna tiang mamawh tan Serchhip ICDS Project Office-ah dil theih a ni a, dil duh tan an mamawh dan lan theihna thlalak, Doctor hriatpuina lehkha leh an awmna VCP hriatpuina te thil telin dilna thehluh theih a ni ang.
Vawiin chawhnu dar 2:30 vel khan Chhingchhip bul ramhnuai ah ruang pakhat chhar a ni a, he ruang hi Rinna In (Faith Home) atanga chin hriatloha bo, Vala ruang nia hriat a ni. He ruang hi ramvak mi 3 te chuan Chhingchhip Venglai atanga tlaklam, Boarding Mual mawng-a Zawngsih kawrh ah an hmu a, a taksa hi a puma la awmin a hmai vel erawh a chhe tan tawh thung a ni.
Vawiin Feb. 16, 2012 khan District Bawrhsap, Pu P. Lalchhuanga hovin 13th Finance Commission sum ruahman lo kal hmasa tura Serchhip District-a hnathawh hmasak tur sawihona neih a ni.
Vawiin Feb. 16, 2012 khan District Bawrhsap, Pu P. Lalchhuanga hovin
kumin a Chapchar Kut Serchhip-a hman dan tur chungchang ngaihtuahin
Meeting pawimawh tak neih a ni.
Zonuna Kawlni (LENKAWL)
Wednesday, February 15, 2012
0
comments
Serchhip Facebook User Group chuan nimin khan Valentine’s Day pualin Serchhip-a JN Hospital-ah thisen pek runpui buatsaihin mi 45 zet damlo mamawhte tan a thlawnin thisen an pe.
Zonuna Kawlni (LENKAWL)
Saturday, February 11, 2012
1 comments
Serchhip Cable Network in website thar kan han nei ve ta a, amaherawh chu inzirchawp zel kan la nih avangin duh angin thil ala fel thlap thei lova, lo tlawhtu ten in lo hrethiam dawn nia. Hun rei vaklo ah changtlung zawka rawn thuamthat zel kan tum e.