He Tournament Final hi Vawiin chawhnu khan Field No-II ah khelh a niin Final-ah hian New Serchhip chuan Bungtlang hi 3-1 a hnehin New Serchhip goal 3 te hi MS. Dawngliana’n minute 33, 34 leh 72-na a te a thun a ni a, Bungtlang goal awmchhun hi Lalmuanpuia’n minute 81-na a a thun a ni bawk.
Final khelh hmaa kharna inkhawm tawi, Pu Zomuana Hnamte, President, Serchhip District Football Association kaihhruai a neih ah he hun rawn hmanpuitu Mizoram Football Association President, Pu PC. Vanlalhruaia chuan Tournament siamna atan sum tam tak sen a tul avanga Tournament siam a harsat em em laia Samsung nen tangkawpa hetiang Tournament hlawhtling tak buatsaih a ni chu lawmawm a tih thu a sawi a, Mizote chu Football-ah kan thangharh chho zel nia a hriat thu sawiin, India ram pawhin Football Power House tiin min hre tawh a ni, a ti a, tih tak takna nena kan tih chuan kan hmabak a eng hle a ni, a ti bawk. Tarlan tawh angin Inter-Village Football Tournament ah hian Serchhip District chhunga Team 20 an tel a ni.
He Tournament-a champion New Serchhip hian Trophy leh Rs. 50,000/- dawngin pahnihna hian Rs. 25,000/- an dawng a, Final-a goal 3 thuntu MS. Dawngliana, New Serchhip chu Top Scorer niin Tournament chhungin goal 12 a thun a, Biaksangzuala, North Vanlaiphai chu Best Player-ah thlan niin Fair Play Award chu Bungtlang in an dawng a, Semi Final-a chaklo North Vanlaiphai leh Piler ten Jersey set khat ve ve an dawng bawk a ni.
0 comments:
Post a Comment