Chapchar kut hman dan tur sawiho

Vawiin Feb. 16, 2012 khan District Bawrhsap, Pu P. Lalchhuanga hovin kumin a Chapchar Kut Serchhip-a hman dan tur chungchang ngaihtuahin Meeting pawimawh tak neih a ni.
He Meeting hi District Bawrhsap, Pu P. Lalchhuanga Office-ah neih a niin YMA Sub-Hqrs. hruaitute bakah MUP aiawhte an tel a, he hunah hian YMA Sub-Hqrs. Serchhip Cultural Committee in kumin March 2-a Chapchar Kut hman dan tura ruahmanna an lo siam tawh te ngaihthlak a niin pawm nghal a ni a, a tul angin YMA Sub-Hqrs. hian hma lo la zui se an ti bawk. YMA Sub-Hqrs. Cultural Committee in ruahmanna alo siam tawh dan chuan kumin Chapchar Kut ah hian YMA Sub-Hqrs. in direct-a a awp leh Town Branch zawng zawng ten item a tam thei ang ber entir se an ti a, hei bakah hian Item nei tur zawng zawngte hian Buhza Aih Cheraw chu a huhova entir nise an ti bawk a, Item nei thei turte hi tun thla ni 28 hmain YMA Sub-Hqrs. ah in hriattir nise an ti bawk. Kumin a Chapchar Kut lawmna atan hian Mizoram sorkar chuan District tinah cheng nuaikhat pek anih tur thu alo sawi tawh a, he sum hi hman nghal tur a awm dawnloh avangin a remchan angin sum lo hmanlawk tur ngaihtuah nise an ti bawk.