LEGAL AID CLINIC HAWNG
Sorkar Office dawr duh leh hriatchian duh nei ten an zawh theihna tur hmun, Legal Aid Clinic chu Serchhip-ah hawn a ni ta.
Dan lama hriat duh nei mipui ten an zawh theihna tur leh Sorkar Office hrang hrang dawr duh leh pan duh ten an mamawh ang ang an zawhfiah theihna tur hmun Legal Aid Clinic hi Serchhip DC’s Office building chhawng hnuai, Excise Department in an luah bulah hawn a niin helai hmunah hian Volunteer mi 5 thu thin tura tih a ni a, sorkar Pisa kai ni apiangin zing dar 10:00 leh chawhnu dar 2:00 inkarah an thu thin anga, heng volunteer te hi sorkar Pisa dawr dan leh kalphung chi hrang hrang ah zawhna zawh theih an nih dawn bakah engemaw dil duh nei leh ziak thiamlo te tan pawh an ziahsak thei dawn a, Office dawr duh, an awmna hmun hrelo te pawh an hruai thei dawn bawk a ni. Hei bakah hian Application Form leh thildang fill-up thiamlo te tan pawh pan theih reng an ni dawn a, Ukil ruai duh leh a kalphung hre duhte tan pawh pana zawhfiah theih niin hei hi sorkar Department zawng zawng dawr duhte tan pan theih a ni dawn a ni.