Tukin zinga Half Marathon Race neih hi Serchhip DC, Pu P. Lalchhuanga chuan 14th Assam Rifles 1st Gate atanga vailiamin Sipai bakah thalai leh naupang mi 200 vel zet an tlan a, a pumpuiah Johnny Lalramluaha s/o Laltluanga, New Serchhip chu pakhatna niin lawmman ah Rs. 5000/- a dawng a, T. Lalchhuansanga s/o T. Johana, Darnam Veng chu pahnihna niin Rs. 3000/- a dawng a, pathumna Lalzidinga s/o PC. Lalchana, Tlangnuam chuan Rs. 2000/- a dawng bawk a ni. Hmeichhe lamah Remlalhruaii d/o KC. Rosanga, Saron veng chu pakhatna niin VL. Nunramngaii d/o F. Lalhualhima, Chanmari Veng chu pahnihna a ni a, T. Lalremmawii d/o T. Pachhunga, Saron Veng chu pathumna a ni bawk. Lawmman te hi District Bawrhsap, Pu P. Lalchhuanga chuan semin Assam Rifles in Marathon Race an buatsaih chu lawmawm a tih thu leh hei hian thalaite thinlungah hmasawnna tura remna leh muanna pawimawh zia a tuh ngei a beisei thu a sawi bawk.
14th Assam Rifles te hian hemi hnu Vawiin chhun khan JN Hospital Serchhip-a a mamawh apiangte hman atan thisen an pe bawk a, thisen hi an Unit Hospital, 14th Assam Rifles Camp-ah pein JN Hospital Serchhip Blood Bank-a thawk te chuan an thisen hi an pe a, thisen hi Mipa 28 leh Hmeichhia 2, an vaiin mi 30 in pein thisen petute zingah hian Col Ratnakar Trivedi leh a nupui pawh an tel a ni. Medical Officer Dr.B.Lalduhawma chuan thisen pe tur hian mi za chuang an in pek thu leh an duh anga tam thisen an lak theih loh thu sawiin, a chhan chu tunhnai hian Serchhipah kohhran leh tlawmngai pawl hrang hrang ten thisen an pe nasa a, tun dinhmunah dahkhawl sa (standing stock) unit 40 an nei a, thisen lak te hi thlahnih hnu ah chuan a hman theih tawh loh (expire) thin avangin tuna Unit 30 an lakbelh hian an mamawh chin phuhru turah an ngaih thu leh, Assam Rifles hotute nen inbia a hun remchang dang melh a thisen lak sak leh turin ruahmanna an siam thu a sawi a ni.
0 comments:
Post a Comment